Plantun de Prouvènço

Pèr coumpara dos planto d'encò nostre

Fragaria viridis & Pachypleurum mutellinoides

Majoufié

Fragaria viridis

Rosaceae

Àutri noum : Fraguié, Ambrouso.

Nom en français : Fraisier vert.

Descripcioun :
Aquéu majoufié (o fraguié) douno d'èr au fraguié coumun, que s'arregardas pas de proche pòu engana eisa. Trachis dins li bos fres de colo e de basso mountagno majamen dins li blachiero. Sèmblo adounc à Fragaria vesca, pamens èi mai grand e fort dins touto si partido ; li flour soun pu grando (souvènt > 20 mm). Se destrìo peréu emé si fueio mai pelouso e subretout si fueioun dóu "calice" que soun revessa sus lou fru (escarta encò dóu fraguié coumun).

Usanço :
Lou fru èi de segur manjadis, mai pas tant bon qu'aquéu dóu fraguié, Fragaria vesca (mèfi pamens de l'equinocoucoso). Li flour e li fueio soun tambèn bono à manja. Se fai de tè emé li fueio. Touto la planto fai pissa e èi tounico e depurativo. Li racino soun bono contro la cagagno (astringènto).

Port : Erbo
Taio : 8 à 50 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Fragaria
Famiho : Rosaceae

Ordre : Rosales

Coulour de la flour : Blanco
Petalo : 5
Ø (o loungour) flour : 14 à 25 mm
Flourido : Printèms

Sòu : Ca
Autour basso e auto : Pancaro entresigna
Aparado : Noun
Mai à jun

Liò : Blachiero
Estànci : Subremediterran à Mountagnard
Couroulougi : Éurasiatico-Centre-Ouèst
Ref. sc. : Fragaria viridis Weston, 1771

Ligustico

Pachypleurum mutellinoides

Apiaceae Umbelliferae

Nom en français : Ligustique fausse mutelline.

Descripcioun :
Aquesto planto pas bèn grando trachis dins li pelouso, lis esboudèu aupen e souvènt sus li crestèn. Fai de gros brout (oumbello) blanc, rose o rouginas que caupon de 10 à 15 rai emé de bratèio en fourco (fotò). Li flour an un estilopode blu bèn poulidet. Li fueio penado soun dous à tres cop divisado.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 Cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Pachypleurum
Famiho : Apiaceae
Famiho classico : Umbelliferae

Ordre : Apiales

Coulour de la flour : Blanco
Petalo : 5
Ø (o loungour) flour : 1 mm
Flourido : Estiéu

Sòu : Ca
Autour basso e auto : 1500 à 3400 m
Aparado : Noun
Juliet à avoust

Liò : Pelouso aupenco - Crestèn - Roucaio - Esboudèu
Estànci : Subaupen à Aupen
Couroulougi : Bourealo
Ref. sc. : Pachypleurum mutellinoides (Crantz) Holub, 1983 (= Ligusticum mutellinoides (Crantz) Vill., 1779 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Fragaria viridis & Pachypleurum mutellinoides

ges

Coumpara Majoufié emé uno autro planto

Coumpara Ligustico emé uno autro planto